西門子洗衣乾衣機 WD14S4B5BU (黑色飛頂版) 開箱

經歷多次DIY維修,使用咗12年的西門子洗衣乾衣機 WD12D460HK,最近因為有幾樣野壞咗,例如乾衣F18、水泵響和避震彈跳,無辦法再DIY維修下去,決定花5329元購買一台全新的黑色飛頂版,西門子洗衣乾衣機 WD14S4B5BU,解決了煩惱。

【駕駛心得】跟車太貼,車頭生痲疹

最近拎咗架車返廠換 cam 帶之餘,亦洗多咗錢去翻噴車頭泵把。
也許沒有人會將架車在沒有揩花撞崩的情況下, 走去把泵把
翻噴油,因為一旦翻噴過,下手買家就會以為我撞過車,咁印象分和賣價就大打折扣。

跟車太貼,車頭生痲疹

架車行走多年,個泵把,頭唇和車頭蓋都巳經好似生麻疹咁,花得好犀利。
實在花到頂佢唔順,去酒店俾人代客泊車,都怕失禮個職員

泵把,頭唇和車頭蓋生麻疹
(圖片攝自停車場裡的舊車)


以前初學車時,揸得慢咪無事囉,後來揸熟咗, 就吓吓追住人哋個屁股行。
 50公里又咁哄住人哋屁股,100公里又哄住人哋屁股,哄得兩哄,就俾前車捲起的沙泥碎石,好似噴沙咁射向車頭。
就咁個車頭就好似生麻疹咁,越來越多花痕。

嗰 d 花痕係由細小沙粒或石仔高速撞擊漆面造成

漆面被沙粒、石仔、螺絲等硬物撞上,會崩裂整塊脫掉, 露出底層黑色或灰色的底油,非常肉酸。打蠟都遮唔到仲鞋拾拾咁。
越係近住地面的部份,花得越密越嚴重,打臘都整唔走。

車頭冚比較高、角度比較斜,還好無咁花,因為車頭冚鋼造夠硬,花得無咁勁, 但泵把頭唇是用塑製造,質地比較柔軟,俾石仔一打就花,無咁襟撞。

泵把連頭唇共兩件野,噴油費計兩件,洗費都幾甘。

---Advertisement
---

新噴好個泵把頭唇,好似新車咁靚仔,緊係唔想咁快又再整花。所以我唔再哄住人哋個屁股行,彈開好遠黎行,速度越快彈開就越遠。

但係彈開好遠黎行,就有好多人見我前面有大段空位,就會從後加速上來爬頭,再我前面個空位,都好麻煩。

有 d 衰人仲鬼咁近咁樣 cut 入黎我前面, 咁佢車呔捲起的沙塵會打花我個靚泵把,搞到我時常要勁剎車去避開呢 d 人喎, 幾衰呀。

所以政府話保持兩秒安全距離喎,係咁令其他人在後面爬頭
上來,再被打尖在前面插入黎,都唔安全得晒架。

有時見到後面條茂臣想插我頭,局住都要封住佢個位, 咪等佢又玩近距離 cut 線,幫我打花個泵把。

因為路中心,即係白線個位最多沙石積住係度,俾人係前面 cut 入黎,佢個車轆就要踩上白線,咁佢車轆就會捲起沙石再打落我個泵把度,咁仲衰過我哄住前面架車...


結果試驗幾個月咁樣揸車法發現泵把頭唇仍保持原好無花,真係幾好。
不過用手摸吓,已經無咗新噴嗰種滑溜,輕微鞋咗少少。

所以唔想個車頭蓋泵把花得咁快,記住盡量唔好跟車太貼喇。


作者: holidaydriver
發佈日期: 2011/08/07
更新日期:2022-02-19

留言

匿名說…
「因為路中心, 即係白線個位最多沙石積住係度, 俾人係前面 cut 入黎, 佢就要踩白線, 咁就會捲起最多沙石打落我個泵把度....」俾人係前面 cut 入黎, 為何就要踩白線呢? 我不懂這句意思, 可否詳細解釋一下呢? 謝謝!
不好意思,遲了這麼久才發現你的留言。
原理好簡單,cut 線代表車輛要轉換行車線,例如路上有左右行車線,兩條行車線中間的地面上,會有一條白色虛線,用來分隔左右行車線。
當你由左線cut 到右線時,你的車輪必定會踩中或駛過地面上的白色虛線,我形容這個情況叫做車輪踩白線。
只要你的車輪跨過白色虛線,才可叫做cut線,若只是踩住白色虛線行駛,車輪一直沒有跨過白色虛線的話,不能叫做cut線。
由於正常行車時,車輛會維持在行車線中間,車輪很少會接近白色虛線,因此停留在白線區域上的沙石不會被車輪捲起。
可是當你要cut線時,你車輪需駛入並跨過白線區域,車輪就會捲起積存在白線區域上的沙石,拍打到跟在你後面的車頭上面。
假如你cut線時,你在很短距離爬到你旁邊旳車頭附近,若你是後面車輛的車主,你會聽到有沙粒打中車頭的聲音。

此網誌的熱門文章

ELLE 行李箱維修