西門子洗衣乾衣機 WD14S4B5BU (黑色飛頂版) 開箱

經歷多次DIY維修,使用咗12年的西門子洗衣乾衣機 WD12D460HK,最近因為有幾樣野壞咗,例如乾衣F18、水泵響和避震彈跳,無辦法再DIY維修下去,決定花5329元購買一台全新的黑色飛頂版,西門子洗衣乾衣機 WD14S4B5BU,解決了煩惱。

斜路開車心得

有人問:
「斜路開車 比空油,再吊極力士,放手掣去個下好易feel到摩擦點到左未.....其實得唔得?」
答: 呢招好得,尤其係在非常斜的停車場,或者後面有車跟貼 一定唔可以溜後的情況下,必須要出呢一招。
斜路開車

斜路開車心得

關鍵係你幾時才能確定 車子有足夠力量 反地心吸力向前行,才鬆手掣。

你吊極力子 吊到幾時先知佢到咗,先知佢唔會溜後,又會唔死火?
答案係:「吊極力子吊到你感到車子有一下向前 chok 的動作。」

你可以試下吊極力子,吊到你 感到車子向前 chok 了一下,這時保持車子位置不動,不要鬆開手掣,然後慢慢將極力子踩返低,直至感到車子向前動力消失,車子向後 chok 回剛才未起步的位置,你就會估到極力子磨合的真正位置。

車子 chok 果吓其實好少幅度,因為拉咗手掣車子不能向前移動,但引擎扭力能驅動車輪,改變車身角度,從而產生 chok 的感覺。

即使係自動波車在極斜路開車,在鬆手掣之前都要先踩油,踩到架車向前 chok ,才好鬆手掣,咁就包保唔會溜後。

---Advertisement
---

有部份停車場喜歡將入票出閘機放在勁向上斜的斜坡上,由於試過幾次在這種停車場失暈或失手發生高速溜後事件,現在每逢在勁斜的斜坡上出閘,必定十分謹慎,因為一旦有乜差錯,就會隊爛後面的車頭,賠車頭比賠車尾貴得多。
非常斜的停車場


到目前為止,我試過最斜的出閘機位於下圖鰂魚涌太古坊德宏大厦停車場,裏面的出閘機位於一條超級上斜坡中間。要將車停定在出閘機旁很困難,因為不論點樣用力拉手掣,都拉不停架車,一鬆腳掣車便很快溜後...真係好奪命嘅設計。


於是,我拉緊手掣仍不放腳掣,伸手插票開閘... 此際後面有一輛保時捷駛來跟著,幸好她離開有兩米以外...

因為我從未試過在斜坡起步時右腳居然唔係去踩油門,而去了踩Brake腳掣阻止溜後,加上後面有輛保時捷,更加唔可以失手...忽然唔知應該點做先好??

緊張之下好易做傻事,我做錯了起動步驟,我首次轉用左腳踩住剎車掣,右腳移往油門,先鬆手掣(超錯),車還未動,我以為極速一鬆腳掣然後踩油,車應該不會溜後太多...點知一鬆腳掣,車子極速溜後,於是更加大力踩油... 因為車輛重心去了車尾,前輪驅動車呔竟然咬不緊地面而空轉,好恐佈!! ...車子好像懸停了一會,才慢慢向前脫離險境。

這裏真的太斜,隨時連 Hill Start 都唔 work。

後來回想起來,不論任何情況都不應先鬆手掣,因為手掣在斜坡上即使鎖不死車子,但它仍能減慢車子溜後,不會突然一下子極速往後退

我當時的正確起動步驟應該如下:

(1) 駛到停車場閘機旁,右腳剎車腳掣剎停車子

(2) 盡力手掣,右腳繼續踩緊剎車腳掣,保証車子不會溜後

(3) 插卡或嘟卡打開停車場閘桿。

(4) 左腳踩住剎車腳掣,右腳慢慢抽離,但腳掣必須繼續踩住,並保持車子剎停狀態 (這個要練習,因為我們絕少用左腳去踩剎車腳踏,感覺有點「論盡」,加上右腳當時亦踩著腳踏,左腳要攝入去踩腳踏,並不是一下子能做到的事)

(5) 右腳轉去踩油門,俾油,直至感到車子向前 chok,保持踩著油門,不要收油

(6) 慢慢提起左腳,減少剎車力度,感受一下車子是想向前還是移動

(7) 如果你感到車子沒有溜後、想往前移動、甚至它已經開始向前走,就可以鬆手掣,踩油駛停車場。

(8) 如果你提起左腳,減少剎車力度後,感到車子開始往後移動,說明你右腳油可能在chok之後減少了。
此時左腳重新踩停車子,右腳再用力一點踩油門,直至感到車子向前chok。保持右腳力度不要鬆開,俾大一些油亦無影響,左腳剎車再次慢慢鬆

最緊要檢查停車場閘桿已升起,否則車子向前走會把閘桿撞毀。如果你感到車子沒有溜後,甚至它已經開始向前走,就可以鬆手掣,駛停車場。


作者: holidaydriver
發佈日期: 2009/11/22
更新日期: 2022-02-27

留言

此網誌的熱門文章

ELLE 行李箱維修